സ്റ്റേറ്റ് ബാങ്ക് ഓഫ് ഇന്ത്യയിൽ 6100 അപ്രന്റിസ് ഒഴിവുകൾ
അപേക്ഷ സമർപ്പിക്കേണ്ട അവസാന തീയതി : ജൂലായ് 26
സ്റ്റേറ്റ് ബാങ്ക് ഓഫ് ഇന്ത്യ (എസ്.ബി.ഐ) 6100 അപ്രന്റിസ് തസ്തികയിൽ അപേക്ഷ ക്ഷണിച്ചു.
വിവിധ സംസ്ഥാനങ്ങളിലായാണ് ഒഴിവ്.
കേരളത്തിൽ 75 ഒഴിവുകളും തമിഴ്നാട്, കർണാടക സംസ്ഥാനങ്ങളിലായി 290 ഒഴിവുകളുമുണ്ട്.
ഒരു സംസ്ഥാനത്തെ ഒഴിവിലേക്ക് മാത്രമാണ് അപേക്ഷിക്കാനാകുക.
പരസ്യ വിജ്ഞാപന നമ്പർ : CRPD/APPR/2021-22/10.
ഒരു വർഷത്തെ പരിശീലനമായിരിക്കും.
അപ്രന്റിസ് ട്രെയിനിങിന്റെ പരീക്ഷയ്ക്ക് ഒരുതവണ മാത്രമാണ് പങ്കെടുക്കാനാകുക.
മുമ്പ് പരിശീലനം ലഭിച്ചവർക്കും പ്രവൃത്തിപരിചയമുള്ളവർക്കും അപേക്ഷിക്കാനാകില്ല.
കേരളത്തിലെ ഒഴിവുകൾ
- പാലക്കാട് – 5
- തിരുവനന്തപുരം – 6
- കണ്ണൂർ – 5
- മലപ്പുറം – 5
- കോഴിക്കോട് – 5
- കാസർഗോഡ് – 6
- എറണാകുളം – 5
- കോട്ടയം – 5
- തൃശൂർ – 5
- വയനാട് – 6
- ഇടുക്കി – 6
- പത്തനംതിട്ട – 6
- ആലപ്പുഴ – 5
- കൊല്ലം – 5
യോഗ്യത : അംഗീകൃത സർവകലാശാലയിൽ നിന്നുള്ള ബിരുദം.
2020 ഒക്ടോബർ 31 വെച്ചാണ് യോഗ്യത കണക്കാക്കുന്നത്.
പ്രായപരിധി : 20-28 വയസ്സ്.
2020 ഒക്ടോബർ 31 വെച്ചാണ് പ്രായം കണക്കാക്കുന്നത്.
1992 നവംബർ ഒന്നിനും 2000 ഒക്ടോബർ 31നും ഇടയിൽ ജനിച്ചവരാകണം.
രണ്ടുതീയതികളും ഉൾപ്പെടെ.
സ്റ്റെപെൻഡ് : 15,000 രൂപ.
അപ്രന്റിസുകൾക്ക് മറ്റ് അലവൻസും ആനുകൂല്യങ്ങളും ലഭിക്കില്ല.
തിരഞ്ഞെടുപ്പ് : ഓൺലൈൻ പരീക്ഷയുടെയും പ്രാദേശികഭാഷാ ടെസ്റ്റിലൂടെയുമാണ് തിരഞ്ഞെടുപ്പ്.
പ്രാദേശികഭാഷ പഠിച്ചതായുള്ള 10 അല്ലെങ്കിൽ +2 സർട്ടിഫിക്കറ്റ് ഹാജരാക്കുന്നവർക്ക് പ്രാദേശികഭാഷാ ടെസ്റ്റിൽ നിന്ന് ഒഴിവാകാം.
തിരഞ്ഞെടുക്കപ്പെടുന്നവർക്ക് നിശ്ചിത മെഡിക്കൽ യോഗ്യതയുണ്ടായിരിക്കണം.
സിലബസ്
ഓൺലൈൻ പരീക്ഷയിൽ
- ജനറൽ/ഫിനാൻഷ്യൽ അവയർനസ്,
- ജനറൽ ഇംഗ്ലീഷ്,
- ക്വാണ്ടിറ്റേറ്റീവ് ആപ്റ്റിറ്റിയൂഡ്,
- റീസണിങ് എബിലിറ്റി ആൻഡ് കംപ്യൂട്ടർ ആപ്റ്റിറ്റിയൂഡ് എന്നീ വിഷയങ്ങളിൽ നിന്ന് 25 വീതം ചോദ്യങ്ങളുണ്ടാകും.
100 മാർക്കിന്റെ ഒരുമണിക്കൂറാണ് പരീക്ഷ.
പരീക്ഷ കേന്ദ്രങ്ങൾ : ആലപ്പുഴ, കണ്ണൂർ, കൊച്ചി, കൊല്ലം, കോട്ടയം, കോഴിക്കോട്, മലപ്പുറം, പാലക്കാട്, തിരുവനന്തപുരം, തൃശ്ശൂർ എന്നിവിടങ്ങളിലാണ് കേരളത്തിലെ പരീക്ഷാകേന്ദ്രം.
ലക്ഷദ്വീപിൽ കവരത്തി പരീക്ഷാകേന്ദ്രമാണ്.
അപേക്ഷാഫീസ് : 300 രൂപ.
എസ്.സി./എസ്.ടി./ഭിന്നശേഷി വിഭാഗക്കാർക്ക് ഫീസില്ല.
അപേക്ഷിക്കേണ്ട വിധം
വിശദ വിവരങ്ങൾക്കും അപേക്ഷിക്കാനുമായി www.sbi.co.in എന്ന വെബ്സൈറ്റ് സന്ദർശിക്കുക
അപേക്ഷയോടപ്പം നിശ്ചിത ഫോർമാറ്റിൽ ഫോട്ടോയും ഒപ്പും അപ്‌ലോഡ് ചെയ്യണം.
ക്വാളിറ്റിയില്ലാത്ത ഫോട്ടോയോ ഒപ്പോ അപ്‌ലോഡ് ചെയ്താൽ അപേക്ഷ നിരസിക്കപ്പെടും.
പാസ്പോർട്ട് സൈസ് ഫോട്ടോയ്ക്ക് 200×230 പിക്സൽസ് ഡൈമെൻഷനും 20-50 കെ.ബി.സൈസും ഉണ്ടായിരിക്കണം.
ഒപ്പ് വെള്ള പേപ്പറിൽ കറുത്ത മഷി കൊണ്ട് ഇട്ടതായിരിക്കണം.
140×60 പിക്സൽസ് ഡൈമെൻഷനിൽ 10-20 കെ.ബി.സൈസിൽ ഒപ്പ് അപ്‌ലോഡ് ചെയ്യണം.
അപേക്ഷയുടെ പകർപ്പ് എങ്ങോട്ടും അയക്കേണ്ടതില്ല.
അപേക്ഷ സമർപ്പിക്കേണ്ട അവസാന തീയതി : ജൂലായ് 26.
| Important Links | |
|---|---|
| Official Notification | Click Here |
| Apply Online | Click Here |
| More Details | Click Here |
