സുപ്രീംകോടതിയിൽ 30 കോർട്ട് അസിസ്റ്റൻറ് ഒഴിവ്

സുപ്രീംകോടതിയിൽ കോർട്ട് അസിസ്റ്റൻറ് (ജൂനിയർ ട്രാൻസ്ലേറ്റർ) തസ്തികയിൽ 30 ഒഴിവുകളുണ്ട്.

മലയാളം , തമിഴ് , കന്നഡ , അസമീസ് , ബംഗാളി , തെലുങ്ക് , ഗുജറാത്തി , ഉറുദു , മറാഠി , മണിപ്പുരി , ഒഡിയ , പഞ്ചാബി എന്നീ ഭാഷകളിൽ രണ്ട് വീതവും ഹിന്ദിയിൽ അഞ്ചും നേപ്പാളിയിൽ ഒന്നും ഒഴിവുകളാണുള്ളത്.

യോഗ്യത : ഇംഗ്ലീഷും അതത് ഭാഷയും വിഷയങ്ങളായുള്ള ബിരുദവും വിവർത്തനത്തിലെ ഡിപ്ലോമ / സർട്ടിഫിക്കറ്റ് കോഴ്സ്സും അല്ലെങ്കിൽ പൊതുമേഖലാ സ്ഥാപനങ്ങളിലെ വിവർത്തനത്തിൽ രണ്ടുവർഷത്തെ പരിചയവും കംപ്യൂട്ടർ പരിജ്ഞാനവും.

പ്രായപരിധി : 27 വയസ്സ് (നിയമാനുസൃത വയസ്സിളവുണ്ട്).

ശമ്പളം : 68,771 രൂപ.

വിശദവിവരങ്ങൾ www.sci.gov.in എന്ന വെബ്സൈറ്റിലുണ്ട്.

അപേക്ഷ സമർപ്പിക്കേണ്ട വിധം

അപേക്ഷ വെബ്സൈറ്റ് വഴി ഓൺലൈനായി അയയ്ക്കാം.

അപേക്ഷ സ്വീകരിക്കുന്ന അവസാന തീയതി : മാർച്ച് 18.

• ഏറ്റവും പുതിയ തൊഴിലവസരങ്ങൾ അറിയാൻ ഇവിടെ ക്ലിക്ക് ചെയ്യുക