പവർഗ്രിഡിൽ അസിസ്റ്റന്റ് ഓഫീസർ ട്രെയിനി

കേന്ദ്ര പൊതുമേഖലാ സ്ഥാപനമായ പവർ ഗ്രിഡ് കോർപ്പറേഷനിൽ അസിസ്റ്റന്റ് ഓഫീസർ ട്രെയിനിയാവാൻ (ഫിനാൻസ്) അവസരം.

പവർ ഗ്രിഡിൽ 28 ഒഴിവും സബ്സിഡിയറി സ്ഥാപനമായ സെൻട്രൽ ട്രാൻസ്മിഷൻ യൂട്ടിലിറ്റി ഓഫ് ഇന്ത്യ ലിമിറ്റഡിൽ (സി.ടി.യു.ഐ.എൽ) മൂന്ന് ഒഴിവുമുണ്ട്.

യോഗ്യത : സി.എ/ ഐ.സി.ഡബ്ല്യു.എ (സി.എം.എ) വിജയം.

പ്രായം : 28 വയസ്സാണ് ഉയർന്ന പ്രായപരിധി (31.01.1994 – നോ അതിനുശേഷമോ ജനിച്ചവർ. എസ്.സി , എസ്.ടി. വിഭാഗക്കാർക്ക് അഞ്ചുവർഷത്തെയും ഒ.ബി.സി (എൻ.സി.എൽ) വിഭാഗക്കാർക്ക് മൂന്നുവർഷത്തെയും ഇളവ് ലഭിക്കും.

ഭിന്നശേഷിക്കാർക്കും വിമുക്തഭടർക്കും നിയമാനുസൃത ഇളവുണ്ട്.

എഴുത്തുപരീക്ഷ കംപ്യൂട്ടർ ബേസ്ഡ് ടെസ്റ്റ് , ഗ്രൂപ്പ് ഡിസ്കഷൻ , അഭിമുഖം എന്നിവ നടത്തിയാവും തിരഞ്ഞെടുപ്പ്.

ചെന്നൈയുൾപ്പെടെ ഏഴുനഗരങ്ങളിൽവെച്ചാവും പരീക്ഷ.

ഒരുവർഷമാണ് ട്രെയിനിങ് കാലാവധി.

ട്രെയിനിങ് വിജയകരമായി പൂർത്തിയാക്കുന്നവരെ ഓഫീസർ തസ്തികയിൽ നിയമിക്കും.

ഇന്ത്യക്കകത്തും പുറത്തും നിയമനം ലഭിക്കാം.

നിയമിക്കപ്പെടുമ്പോൾ സർവീസ് ബോണ്ട് നൽകണം.

അപേക്ഷാഫീസ് : 500 രൂപ (എസ്.സി , എസ്.ടി , ഭിന്നശേഷിക്കാർക്കും വിമുക്തഭടന്മാർക്കും ബാധകമല്ല).

അപേക്ഷ ഓൺലൈനായി സമർപ്പിക്കണം.

അപേക്ഷ സ്വീകരിക്കുന്ന അവസാന തീയതി : ഫെബ്രുവരി 28.

• ഏറ്റവും പുതിയ തൊഴിലവസരങ്ങൾ അറിയാൻ ഇവിടെ ക്ലിക്ക് ചെയ്യുക