ഖരഗ്പൂർ ഐ.ഐ.ടി.യിൽ ഒഴിവുകൾ

പശ്ചിമബംഗാളിലെ ഖരഗ്പൂർ ഐ.ഐ.ടി.യുടെ ഭാഗമായ ഡോ. ബി.സി.റോയ് ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസ് ആൻഡ് റിസേർച്ചിൽ 11 ഒഴിവുകളുണ്ട്.

മെഡിക്കൽ സൂപ്രണ്ട് -1

ആദ്യം അഞ്ചുവർഷത്തേക്കായിരിക്കും നിയമനം. മികച്ച പ്രവർത്തനം നടത്തുന്നവർക്ക് അഞ്ചു വർഷം കൂടി നീട്ടിനൽകും.

യോഗ്യത – മെഡിക്കൽ ബിരുദം, ബിരുദാനന്തര ബിരുദം(എം.ഡി./എം.എസ്./എം.എച്ച്.എ.). ഹോസ്പിറ്റൽ അഡ്മിനിസ്ട്രേഷനിൽ 10 വർഷത്തെ പ്രവർത്തിപരിചയം.

ശമ്പളം-1,44,200-2,18,200 രൂപ.
പ്രായപരിധി- 57 വയസ്സ്.

ചീഫ് അഡ്മിനിസ്‌ട്രേറ്റീവ് ഓഫീസർ -1

മൂന്നുവർഷത്തേക്കാണ് നിയമനം. മികച്ച പ്രവർത്തനം നടത്തുന്നവർക്ക് അഞ്ചു വർഷം വരെ കരാർ നീട്ടിക്കൊടുക്കും.

യോഗ്യത -ഐ.ഐ.ടി./സർവകലാശാല/കേന്ദ്ര സർക്കാർ സ്ഥാപനങ്ങൾ തുടങ്ങിയവയിൽ അസിസ്റ്റന്റ് രജിസ്‌ട്രാർ അല്ലെങ്കിൽ തത്തുല്യപദവിയിൽ പ്രവർത്തിച്ച അഞ്ചുവർഷത്തെ പരിചയം. ഗവേഷണസ്ഥാപനങ്ങളിലോ,ഉന്നതവിദ്യാഭ്യാസ സ്ഥാപനങ്ങളിലോ, ഹോസ്പിറ്റൽ അഡ്മിനിസ്ട്രേഷനിലോ പ്രവർത്തിച്ച പരിചയം.

ശമ്പളം-78,800-2,09,200 രൂപ.
പ്രായപരിധി- 50 വയസ്സ്.

സ്റ്റാഫ് നേഴ്സ് -9 (ജനറൽ-6 ,എസ്.സി-1 ,എസ്.ടി.-1 ,ഒ.ബി.സി.-1 )

യോഗ്യത- ഹയർ സെക്കന്ററി , ജനറൽ നഴ്സിങ്ങിൽ മൂന്നുവർഷത്തെ അംഗീകൃത കോഴ്സ് , മൂന്നുവർഷത്തെ പ്രവർത്തി പരിചയം.

ശമ്പളം-35,400-1,12,400 രൂപ.
പ്രായപരിധി- 30 വയസ്സ്.

അപേക്ഷ www.iitkgp.ac.in/non-teaching-positions എന്ന ലിങ്കിലൂടെ ഓൺലൈനായാണ് അയക്കേണ്ടത്.

ഇതിന്റെ ഹാർഡ് കോപ്പി ഒപ്പിട്ടതിനു ശേഷം Assistant Registrar(E-III), Indian Institute of Technology Kharagpur, West Bengal-721 302 എന്ന വിലാസത്തിൽ അയക്കണം.

കവറിനു പുറത്തു അപേക്ഷ അയക്കുന്ന തസ്തിക വ്യക്തമാക്കിയിരിക്കണം.

ഓൺലൈനായി അപേക്ഷ സ്വീകരിക്കുന്ന അവസാന തീയതി – മെയ് 15.