Please wear masks while going out in public places.

10/+2 JobsGovernment JobsITI/Diploma JobsJob NotificationsKerala Govt JobsLatest UpdatesPart Time Jobs

കേരളത്തിലെ ഏറ്റവും പുതിയ ജോലി ഒഴിവുകൾ

  • എംപ്ലോയബിലിറ്റി സെന്ററിൽ അഭിമുഖം

കാസർകോട് ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെ കീഴിലുളള എംപ്ലോയബിലിറ്റി സെന്ററിൽ ഫെബ്രുവരി 24ന് രാവിലെ പത്തിന് സ്വകാര്യ മേഖലയിലെ ഒഴിവുകളിലേക്ക് കോവിഡ് 19 മാനദണ്ഡം പാലിച്ച് അഭിമുഖം നടത്തുന്നു.

കമ്യൂണിക്കേഷൻ മാനേജർ, പ്ലസ്ടു (ആശയവിനിമയ പാടവം വേണം), തുടക്കക്കാർക്കും അപേക്ഷിക്കാം.

പ്രായപരിധി: 21-40. കാഞ്ഞങ്ങാട്ട് രണ്ട് ഒഴിവ് (സ്ത്രീ/പുരുഷൻ).

ഡെൻറൽ സർജൻ, ബി.ഡി.എസ്. തുടക്കക്കാർക്കും അപേക്ഷിക്കാം.

കാഞ്ഞങ്ങാട്ട് ഒരു ഒഴിവ് (സ്ത്രീ).

നിലവിൽ എംപ്ലോയബിലിറ്റി സെന്ററിൽ ആജീവനാന്ത രജിസ്‌ട്രേഷൻ നടത്തിയവർക്ക് കൂടിക്കാഴ്ചയ്ക്ക് പങ്കെടുക്കാവുന്നതാണ്.

രജിസ്‌ട്രേഷൻ നടത്തിയിട്ടില്ലാത്തവർക്ക് ബന്ധപ്പെട്ട സർട്ടിഫിക്കറ്റുകളുടെയും തിരിച്ചറിയൽ കാർഡിന്റെയും പകർപ്പ് സഹിതം 250 രൂപ ഫീസ് അടച്ച് രജിസ്‌ട്രേഷൻ നടത്തി ഇന്റർവ്യൂവിന് പങ്കെടുക്കാം.

ഫോൺ നമ്പർ : 9207155700/04994297470


  • നിയമനം : മാർച്ച് 15വരെ അപേക്ഷിക്കാം

കേരള നഴ്‌സസ് ആന്റ് മിഡ്‌വൈവ്‌സ് കൗൺസിൽ ഓഫീസിൽ രജിസ്ട്രാർ, ഡെപ്യൂട്ടി രജിസ്ട്രാർ, ജൂനിയർ സൂപ്രണ്ട്, അക്കൗണ്ടന്റ് തസ്തികകളിൽ ഡെപ്യൂട്ടേഷൻ നിയമനം നടത്തുന്നു. ജൂനിയർ സൂപ്രണ്ടിന് 30700-65400 ആണ് ശമ്പള നിരക്ക്. 25200- 54000 രൂപയാണ് അക്കൗണ്ടന്റ് ശമ്പള നിരക്ക്.

രജിസ്ട്രാർ, ഡെപ്യൂട്ടി രജിസ്ട്രാർ തസ്തികകളിൽ യഥാക്രമം സർക്കാർ നഴ്‌സിംഗ് കോളേജിലെ പ്രിൻസിപ്പൽ/ പ്രൊഫസർ, സർക്കാർ നഴ്‌സിംഗ് സ്‌കൂളിലെ പ്രിൻസിപ്പൽ/ വൈസ് പ്രിൻസിപ്പൽ/ സീനിയർ നഴ്‌സിംഗ് ട്യൂട്ടർ തസ്തികകളിൽ സേവനമനുഷ്ഠിക്കുന്നവരും ജൂനിയർ സൂപ്രണ്ട്, അക്കൗണ്ടന്റ് തസ്തികകളിൽ സർക്കാർ സർവീസിൽ സമാന തസ്തികയിൽ സേവനമനുഷ്ഠിക്കുന്നവരുമാണ് അപേക്ഷിക്കേണ്ടത്. ബയോഡേറ്റ, റൂൾ 144 പ്രകാരമുള്ള സ്റ്റേറ്റ്‌മെന്റ്, നോട്ടിഫിക്കേഷന് ശേഷം മാതൃവകുപ്പിൽ നിന്ന് ലഭിച്ച നിരാക്ഷേപ പത്രം എന്നിവ സഹിതം മാർച്ച് 15ന് മുമ്പ് രജിസ്ട്രാർ, കേരള നഴ്‌സസ് ആന്റ് മിഡ്‌വൈവ്‌സ് കൗൺസിൽ, റെഡ്‌ക്രോസ് റോഡ്, തിരുവനന്തപുരം 695035 എന്ന വിലാസത്തിൽ അപേക്ഷിക്കണം.


  • കമ്പ്യൂട്ടർ ഹാർഡ് വെയർ ഗസ്റ്റ് അധ്യാപക ഒഴിവ്

നെടുമങ്ങാട് സർക്കാർ പോളിടെക്നിക് കോളേജിൽ കമ്പ്യൂട്ടർ ഹാർഡ് വെയർ എൻജിനിയറിങ് ഗസ്റ്റ് അധ്യാപക നിയമനത്തിനുള്ള കൂടിക്കാഴ്ച 23 ന് രാവിലെ 10.30 ന് പ്രിൻസിപ്പലിന്റെ കാര്യാലയത്തിൽ നടക്കും. യോഗ്യത, പ്രവൃത്തി പരിചയം എന്നിവ തെളിയിക്കുന്ന അസ്സൽ സർട്ടിഫിക്കറ്റുകൾ, ബയോഡേറ്റ എന്നിവ ഹാജരാക്കണം.


  • അഡ്മിൻ ഒഴിവ്

മുതിർന്ന പൗരൻമാർക്കായി കേന്ദ്ര സർക്കാർ ആരംഭിക്കുന്ന ദേശീയ ഹെൽപ് ലൈൻ സംസ്ഥാനത്ത് സജ്ജീകരിക്കുന്നതിന്റെ ഭാഗമായി അഡ്മിൻ/ഫിനാൻസ് തസ്തികയിൽ ഒരു വർഷത്തേക്ക് കരാർ നിയമനം നടത്തുന്നു.

സാമൂഹ്യ നീതി/ വനിതാ ശിശു വികസന വകുപ്പിൽ ഗസറ്റഡ് തസ്തികയിൽ വിരമിച്ചവർക്ക് അപേക്ഷിക്കാം. അക്കൗണ്ട്സ്, അഡ്മിനിസ്ട്രേഷൻ മേഖലകളിൽ പ്രവൃത്തി പരിചയമുള്ളവർക്ക് മുൻഗണന.

ഉയർന്ന പ്രായപരിധി 60 വയസ്സ്. പ്രതിമാസ വേതനം : 25000 രൂപ.

ഫെബ്രുവരി  23 ന് രാവിലെ 10 മുതൽ 11 വരെ തിരുവനന്തപുരം തൈക്കാട് സി വി രാമൻ പിള്ള റോഡിലുള്ള സെന്റർ ഫോർ മാനേജ്മെന്റിൽ വാക്ക് ഇൻ ഇന്റർവ്യൂ നടക്കും. സർട്ടിഫിക്കറ്റുകളുടെ പകർപ്പുകൾ ഇന്റർവ്യൂവിന് ഹാജരാക്കണം.

വിശദ വിവരങ്ങൾക്ക്: www.swd.kerala.gov.in.


  • പ്രോജക്ട് അസിസ്റ്റന്റ് ഒഴിവ്

കേരള വനഗവേഷണ സ്ഥാപനത്തിൽ മാർച്ച് 31വരെ കാലാവധിയുള്ള (ദീർഘിപ്പിക്കാൻ സാധ്യതയുള്ള) മോണിറ്ററിംഗ് ഓഫ് ടീക്ക് എക്‌സ്പിരിമെന്റൽ പ്ലോട്ട്‌സ് ക്ലോണൽ മൾട്ടിപ്ലിക്കേഷൻ ഏരിയ (സിഎംഎ) ആന്റ് പ്രൊഡക്ഷൻ ഓഫ് സുപ്പീരിയർ ക്ലോണൽ പ്ലാന്റ്‌സ്, ഇ.എസ്.റ്റി.എം-04-മെയിന്റനൻസ് ഓഫ് മ്യൂസിയംസ് ഇൻ കെ.എഫ്.ആർ.ഐ. പീച്ചി ക്യാമ്പസ് (മെയ്ന്റനൻസ് ആന്റ് എൻറിച്ച്‌മെന്റ് ഓഫ് ഇൻസെക്ട് കളക്ഷൻ) എന്നീ സമയബന്ധിത ഗവേഷണ പദ്ധതിയിൽ ഓരോ പ്രോജക്ട് അസിസ്റ്റന്റിന്റെ താത്കാലിക ഒഴിവിലേക്ക് ഓൺലൈനായി അപേക്ഷ ക്ഷണിച്ചു.

വിശദവിവരങ്ങൾക്ക് : www.kfri.res.in


  • ഹോമിയോ ഡോക്ടർമാർക്ക് സർട്ടിഫിക്കറ്റിന് അപേക്ഷിക്കാം

ട്രാവൻകൂർ-കൊച്ചി മെഡിക്കൽ കൗൺസിലിൽ ഹോമിയോപ്പതി സമ്പ്രാദായത്തിൽ 10931 നമ്പർ വരെ രജിസ്റ്റർ ചെയ്ത ഡോക്ടർമാർക്ക് ഹോളോഗ്രാം സർട്ടിഫിക്കറ്റിന് മാർച്ച് 31 വരെ അപേക്ഷിക്കാം.

ഫീസും അപേക്ഷയും www.medicalcouncil.kerala.gov.in ൽ ഓൺലൈനായി നൽകണം.

പ്രിന്റ് ഔട്ട് കൗൺസിലിന്റെ അസൽ രജിസ്ട്രേഷൻ സർട്ടിഫിക്കറ്റും മറ്റ് ആവശ്യമായ രേഖകളും സഹിതം കൗൺസിലിലേക്ക് അയയ്ക്കണം.


  • ഐ.ടി ഗസ്റ്റ് ഫാക്കൽറ്റി പാനലിലേക്ക് അപേക്ഷിക്കാം

ഇൻസ്റ്റിറ്റ്യൂട്ട് ഓഫ് മാനേജ്‌മെന്റ് ഇൻ ഗവൺമെന്റിന്റെ (ഐ.എം.ജി) തിരുവനന്തപുരം കേന്ദ്രത്തിൽ ഗസ്റ്റ് ഫാക്കൽറ്റി (ഐ.ടി കമ്പ്യൂട്ടർ) പാനലിൽ നിശ്ചിത യോഗ്യതയുള്ളവർക്ക് മാർച്ച് മൂന്ന് വരെ അപേക്ഷിക്കാം. വിശദവിവരങ്ങൾക്ക്: www.img.kerala.gov.in.


  • ഇൻ്റർവ്യൂ

പള്ളിക്കത്തോട് ഗവൺമെൻ്റ് ഐ.ടി.ഐയിൽ മെക്കാനിക് ഓട്ടോ ഇലക്ട്രിക്കൽ ആൻ്റ് ഇലക്ട്രോണിക്സ്, ഇലക്ട്രീഷൻ, ഫുഡ് പ്രൊഡക്ഷൻ ജനറൽ, മെക്കാനിക് മോട്ടോർ വെഹിക്കിൾ എന്നീ ട്രേഡുകളിൽ ഗസ്റ്റ് ഇൻസ്ട്രക്റ്റർമാരെ നിയമിക്കുന്നു.

ബന്ധപ്പെട്ട ട്രേഡിൽ ബിടെക്/ ത്രിവത്സര ഡിപ്ലോമ അല്ലെങ്കിൽ എൻ.ടി.സിയും മൂന്ന് വർഷത്തെ പ്രവൃത്തി പരിചയവും അല്ലെങ്കിൽ എൻ.എ.സിയും രണ്ട് വർഷത്തെ പ്രവൃത്തി പരിചയവുമാണ് യോഗ്യത.

മെക്കാനിക്ക് ഓട്ടോ ഇലക്ട്രിക്കൽ ആൻ്റ് ഇലക്ട്രോണിക്സ് ട്രേഡിൽ അപേക്ഷിക്കുന്നവർക്ക് എൽ.എം.വി ഡ്രൈവിംഗ് ലൈസൻസ് ഉണ്ടായിരിക്കണം.

താത്പര്യമുള്ളവർ അസൽ സർട്ടിഫിക്കറ്റുകളും പകർപ്പുകളും സഹിതം ഫെബ്രുവരി 20 ന് രാവിലെ 11ന് ഹാജരാകണം.


  • സി-ഡിറ്റിന്റെ ഡിജിറ്റൈസേഷൻ പ്രോജക്ടുകളിൽ താൽകാലിക നിയമനം

സിഡിറ്റ് ഏറ്റെടുത്തു നടപ്പാക്കുന്ന ഡിജിറ്റൈസേഷൻ പ്രോജക്ടുകളുടെ വിവിധ ജോലികൾ നിർവഹിക്കുന്നതിന് നിശ്ചിത യോഗ്യതയുള്ളവരെ ജില്ലാ അടിസ്ഥാനത്തിൽ താൽകാലികമായി പരിഗണിക്കുന്നതിനുള്ള പാനൽ തയ്യാറാക്കുന്നു.
പ്രോജക്ട് സൂപ്പർവൈസർ തസ്തികയിൽ ഏതെങ്കിലും വിഷയത്തിൽ ബിരുദം/ മൂന്ന് വർഷ എൻജിനിയറിങ് ഡിപ്ലോമയാണ് യോഗ്യത. ഏതെങ്കിലും ഐ.ടി പ്രോജക്ടിൽ കുറഞ്ഞത് ഒരു വർഷത്തെ പ്രവൃത്തിപരിചയം വേണം.

സ്‌കാനിംഗ് അസിസ്റ്റന്റ് തസ്തികയ്ക്ക് പത്താം ക്ലാസ് ജയിച്ചിരിക്കണം.

കമ്പ്യൂട്ടർ പരിജ്ഞാനം നിർബന്ധം. രണ്ട് തസ്തികയിലും പകൽ/രാത്രി ഷിഫ്റ്റ് അടിസ്ഥാനത്തിൽ ജോലി ചെയ്യാൻ തയ്യാറായവർക്ക് മുൻഗണനയുണ്ട്. ഇമേജ് എഡിറ്റേഴ്‌സ് തസ്തികയ്ക്ക് പത്താം ക്ലാസ് ജയമാണ് യോഗ്യത. കമ്പ്യൂട്ടർ പരിജ്ഞാനം നിർബന്ധം. ഇന്റർനെറ്റ് കണക്ടിവിറ്റിയോടു കൂടിയ കമ്പ്യൂട്ടർ സ്വന്തമായി വേണം. പൂർത്തീകരിക്കുന്ന ജോലിയ്ക്കനുസൃതമായാണ് വേതനം.

താൽപര്യമുള്ളവർ www.cdit.org യിൽ 27ന് വൈകിട്ട് അഞ്ചിനകം ഓൺലൈനായി രജിസ്റ്റർ ചെയ്ത് ബയോഡാറ്റയും സർട്ടിഫിക്കറ്റുകളും അപ്‌ലോഡ് ചെയ്യണം.


  • ഡ്രൈവർ വാക്ക്-ഇൻ-ഇന്റർവ്യൂ

തിരുവനന്തപുരം സർക്കാർ മെഡിക്കൽ കോളേജിൽ കെ.എസ്.എ.സി.എസിന്റെ കീഴിൽ കരാർ അടിസ്ഥാനത്തിൽ വാൻ ഡ്രൈവർ ഒഴിവിലേക്ക് വാക്ക്-ഇൻ-ഇന്റർവ്യൂ നടത്തുന്നു.

ഏഴാം ക്ലാസ് പാസായ ഹെവി ഡ്യൂട്ടി മോട്ടോർ ഡ്രൈവിംഗ് ലൈസൻസുള്ളവർക്ക് ഇന്റർവ്യൂവിൽ പങ്കെടുക്കാം.

പ്രതിമാസ ശമ്പളം 10,000 രൂപ.

ഒരു വർഷത്തേക്കാണ് നിയമനം.

ഫെബ്രുവരി 25ന് രാവിലെ 10.30ന് കോളേജ് പ്രിൻസിപ്പലിന്റെ കാര്യാലയത്തിലാണ് ഇന്റർവ്യൂ.

ജനനതിയതി, വിദ്യാഭ്യാസ യോഗ്യത, മുൻപരിചയം, ഹെവി ഡ്യൂട്ടി മോട്ടോർ ഡ്രൈവിംഗ് ലൈൻസ് എന്നിവ തെളിയിക്കുന്ന അസ്സൽ രേഖകളും അഡ്രസ്സ് തെളിയിക്കുന്ന രേഖ അവയുടെ ഒരു സെറ്റ് പകർപ്പും (സ്വയം സാക്ഷ്യപ്പെടുത്തിയത്) ഹാജരാക്കണം. പ്രവൃത്തിപരിചയം (എച്ച്.ഡി.എം.വി ഡ്രൈവറായി സേവനം അനുഷ്ഠിച്ചത്) ഉള്ളവർക്ക് മുൻഗണന നൽകും.


  • ജോയിന്റ് കമ്മീഷണർ ഡെപ്യൂട്ടേഷൻ ഒഴിവ്

തിരുവനന്തപുരം പ്രവേശന പരീക്ഷാ കമ്മീഷണറുടെ കാര്യാലയത്തിൽ ജോയിന്റ് കമ്മീഷണർ (അക്കാദമിക്) തസ്തികയിൽ അന്യത്രസേവന വ്യവസ്ഥയിൽ നിയമനത്തിന് അപേക്ഷ ക്ഷണിച്ചു. സർക്കാർ കോളേജുകളിൽ അസിസ്റ്റന്റ്/ അസോസ്സിയേറ്റ് പ്രൊഫസർ തസ്തികയിൽ ജോലി ചെയ്യുന്നവർക്ക് അപേക്ഷിക്കാം. അക്കാദമിക കാര്യങ്ങളിലും ഭരണ നിർവഹണത്തിലും ആവശ്യമായ അറിവും പരിചയവും ഉണ്ടായിരിക്കണം. പ്രവേശന പരീക്ഷാ കമ്മീഷണർ നേരിട്ട് കൂടിക്കാഴ്ച നടത്തിയ ശേഷമാണ് നിയമന നടപടി സ്വീകരിക്കുക.

അപേക്ഷ കെ.എസ്.ആർ 144 അനുസരിച്ചുള്ള പ്രൊഫോർമയും ബയോഡേറ്റയും ജോലി ചെയ്യുന്ന സ്ഥാപനത്തിലെ മേലധികാരിയുടെ നോ-ഒബ്ജക്ഷൻ സർട്ടിഫിക്കറ്റും ഉൾപ്പെടെ മേലധികാരികൾ മുഖേന മാർച്ച് 10ന് മുമ്പ് പ്രവേശന പരീക്ഷാ കമ്മീഷണറുടെ കാര്യാലയം, ഹൗസിംഗ് ബോർഡ് ബിൽഡിംഗ്, അഞ്ചാംനില, ശാന്തി നഗർ, തിരുവനന്തപുരം എന്ന വിലാസത്തിൽ നേരിട്ടോ തപാൽ മുഖേനയോ നൽകണം.


  • ഓവര്‍സിയര്‍, അക്കൗണ്ടന്റ് കം ഡാറ്റാ എന്‍ട്രി ഓപ്പറേറ്റര്‍ ഒഴിവുകള്‍

കാസർഗോഡ് : കുറ്റിക്കോല്‍ ഗ്രാമ പഞ്ചായത്തിലെ ദേശീയ ഗ്രാമീണ തൊഴിലുറപ്പ് പദ്ധതി ഓഫീസില്‍ ഓവര്‍സിയര്‍, അക്കൗണ്ടന്റ് കം ഡാറ്റാ എന്‍ട്രി ഓപ്പറേറ്റര്‍ തസ്തികകളില്‍ ഒഴിവുണ്ട്.

കൂടിക്കാഴ്ച ഫെബ്രുവരി 24ന് രാവിലെ 11 ന് പഞ്ചായത്ത് ഓഫീസില്‍ നടക്കും.

ഓവര്‍സിയര്‍ തസ്തികയിലേക്ക് പട്ടികവര്‍ഗ്ഗ വിഭാഗത്തില്‍പ്പെട്ട സിവില്‍ ഡിപ്ലോമ/ഐടിഐ യോഗ്യതയുള്ളവര്‍ക്ക് അപേക്ഷിക്കാം.

മലയാളം ടൈപ്പിങ് അറിയുന്ന ബികോം, പി.ജി.ഡി.സി.എ യോഗ്യതയുള്ളവര്‍ക്ക് അക്കൗണ്ടന്റ് കം ഡാറ്റാ എന്‍ട്രി തസ്തികയിലേക്കും അപേക്ഷിക്കാം.

ഫോണ്‍: 04994 205235


  • ഫാർമസിസ്റ്റ് താൽകാലിക നിയമനം: ഇന്റർവ്യൂ 22ന്

പുല്ലുവിള സാമൂഹികാരോഗ്യ കേന്ദ്രത്തിൽ ഹോസ്പിറ്റൽ മാനേജ്‌മെന്റ് കമ്മറ്റിയുടെ കീഴിൽ ഒരു ഫാർമസിസ്റ്റിനെ താൽകാലിക അടിസ്ഥാനത്തിൽ നിയമിക്കുന്നു. 22ന് വൈകിട്ട് മൂന്നിന് വാക്ക്-ഇൻ-ഇന്റർവ്യൂ സി.എച്ച്.സി പുല്ലുവിളയിൽ നടക്കും. ഉദ്യോഗാർഥികൾ മതിയായ രേഖകളുമായി പങ്കെടുക്കണം. ഡി.ഫാം, ബി.ഫാം, എം.ഫാം എന്നിവയാണ് യോഗ്യത. ഒരു വർഷത്തിൽ കുറയാത്ത പ്രവൃത്തിപരിചയം അഭികാമ്യം.


  • എസ്.എസ്.സി, മൾട്ടി ടാസ്‌കിംഗ് സ്റ്റാഫ് പരീക്ഷയ്ക്ക് അപേക്ഷിക്കാം

സ്റ്റാഫ് സെലക്ഷൻ കമ്മീഷൻ നടത്തുന്ന മൾട്ടി ടാസ്‌കിംഗ് (നോൺ-ടെക്നിക്കൽ) സ്റ്റാഫ് (എം.ടി.എസ്) പരീക്ഷയ്ക്ക് അപേക്ഷ ക്ഷണിച്ചു.

മാർച്ച് 21 വരെ https://ssc.nic.in ൽ ഓൺലൈനായി അപേക്ഷിക്കാം.

ജൂലൈ ഒന്ന് മുതൽ 20 വരെയാണ് കമ്പ്യൂട്ടർ അധിഷ്ഠിത പരീക്ഷ നടക്കുക.

വിശദവിവരങ്ങൾക്ക് : https://ssc.nic.in, www.ssckkr.kar.nic.in.


  • ഐസിപ്പോസിൽ താത്കാലിക നിയമനം: ഇന്റർവ്യൂ 24ന്

സംസ്ഥാന ഐ.ടി വകുപ്പിനു കീഴിലുള്ള ഐസിഫോസ്സിലെ പ്രോജക്ടിൽ ദിവസവേതന അടിസ്ഥാനത്തിൽ നിയമിക്കുന്നതിന് ബിടെക്/ബിഇ/എംടെക്/ എംഇ/എംസിഎ/എംഎസ്‌സി ബിരുദധാരികളെ ആവശ്യമുണ്ട്.

താത്പര്യമുള്ളവർ ബയോഡാറ്റയും അസ്സൽ സർട്ടിഫിക്കറ്റുകളുമായി ഫെബ്രുവരി 24ന് രാവിലെ 10ന് കാര്യവട്ടം സ്‌പോർട്‌സ് ഹബ്ബിലെ ഐസിഫോസ്റ്റ് ഓഫീസിൽ അഭിമുഖത്തിന് ഹാജരാകണം.

കൂടുതൽ വിവരങ്ങൾക്ക് icfoss.in, ഫോൺ: 0471-2700012/13/14.


  • മുതിർന്ന പൗരൻമാർക്ക് ഹെൽപ് ലൈൻ : വിവിധ തസ്തികകളിലേക്ക് അപേക്ഷിക്കാം

മുതിർന്ന പൗരൻമാർക്കായി കേന്ദ്ര സർക്കാർ ആരംഭിക്കുന്ന ദേശീയ ഹെൽപ് ലൈൻ സംസ്ഥാനത്ത് സജ്ജീകരിക്കുന്നതിന് വിവിധ തസ്തികകളിൽ സാമൂഹ്യനീതി വകുപ്പ് കരാർ നിയമനം നടത്തുന്നു.

swd.kerala.gov.in ലും www.cmdkerala.net ലും ഓൺലൈനായി 25 വരെ അപേക്ഷിക്കാം.

വിശദ വിവരങ്ങൾ swd.kerala.gov.in വെബ്സൈറ്റിൽ ലഭിക്കും.

ഫോൺ : 0471-2306040.


  • കമ്പ്യൂട്ടർ ഹാർഡ് വെയർ ഗസ്റ്റ് അധ്യാപക ഒഴിവ്

നെടുമങ്ങാട് സർക്കാർ പോളിടെക്നിക് കോളേജിൽ കമ്പ്യൂട്ടർ ഹാർഡ് വെയർ എൻജിനിയറിങ് ഗസ്റ്റ് അധ്യാപക നിയമനത്തിനുള്ള കൂടിക്കാഴ്ച 23 ന് രാവിലെ 10.30 ന് പ്രിൻസിപ്പലിന്റെ കാര്യാലയത്തിൽ നടക്കും.

യോഗ്യത, പ്രവൃത്തി പരിചയം എന്നിവ തെളിയിക്കുന്ന അസ്സൽ സർട്ടിഫിക്കറ്റുകൾ, ബയോഡേറ്റ എന്നിവ ഹാജരാക്കണം.

  • ആർ.സി.സി-യിൽ അവസരം

തിരുവനന്തപുരം റീജണൽ കാൻസർ സെന്ററിൽ രണ്ട് ഒഴിവുകളുണ്ട്.

ലാബ് അസിസ്റ്റന്റ്, സർജിക്കൽ സർവീസസ് വിഭാഗത്തിൽ പ്രൊഫസർ എന്നീ തസ്തികകളിൽ ഓരോ ഒഴിവ് വീതമാണുള്ളത്.

യോഗ്യത : ഒന്നാം ക്ലാസോടെ ബി.എസ്.സി. ഡി.എം.എൽ.ടി/എം.എൽ.ടി.

പ്രായപരിധി : 30 വയസ്സ്

ശമ്പളം : 17,760 രൂപ

വിശദവിവരങ്ങൾ www.rcctvm.gov.in എന്ന വെബ്സൈറ്റിലുണ്ട്.

അപേക്ഷ സമർപ്പിക്കേണ്ട അവസാന തീയതി : ഫെബ്രുവരി 20

Important Links
Lab Assistant : Official Notification Click Here
Professor in Surgical Service Department : Official Notification Click Here
More Details Click Here

  • കണ്ണൂർ സർവകലാശാലയിൽ 14 അധ്യാപക ഒഴിവ്.

13 തസ്തികയിലേക്ക് പുനർവിജ്ഞാപനമാണ്.

പ്രൊഫസർ :

ഒഴിവുള്ള വിഷയങ്ങൾ :

  • മാനേജ്മെൻറ് സ്റ്റഡീസ് -01 (ഒ.ബി.സി) ,
  • ഇംഗ്ലീഷ് -01 (എൽ.സി/ എ.ഐ)

അസോസിയേറ്റ് പ്രൊഫസർ :

ഒഴിവുള്ള വിഷയങ്ങൾ :

  • മാനേജ്മെൻറ് സ്റ്റഡീസ് -01 (എച്ച്.ഐ) ,
  • മ്യൂസിക്ക് -01 (എൽ.സി/ എ.ഐ) ,
  • വുഡ് സയൻസ് ആൻഡ് ടെക്നോളജി -01 (ഒ.ബി.സി) ,
  • ഹിന്ദി -01 (മുസ്ലിം) ,
  • ബിഹേവിയറൽ സയൻസ് -01 (എസ്.സി) ,
  • സ്കൂൾ ഓഫ് ഫിസിക്കൽ എജുക്കേഷൻ ആൻഡ് സ്പോർട്സ് സയൻസസ് -01 (എസ്.ഐ.യു.സി. നാടാർ) ,
  • ഫിസിക്സ് -01 (ഒ.ബി.സി)

അസിസ്റ്റൻറ് പ്രൊഫസർ :

  • മലയാളം -01 (മുസ്ലിം) ,
  • ഹിസ്റ്ററി -01 (ധീവര) ,
  • വുഡ് സയൻസ് ആൻഡ് ടെക്നോളജി -01 (എസ്.സി) ,
  • ഇക്കണോമിക്സ് -01 (എൽ.എം.ഡി)
  • ഡെപ്യൂട്ടി ഡയറക്ടർ ഓഫ് ഫിസിക്കൽ എജുക്കേഷൻ ആൻഡ് സ്പോർട്സ് -01 (ഓപ്പൺ കാറ്റഗറി)

വിശദവിവരങ്ങൾക്കും അപേക്ഷിക്കാനുമായി kannuruniversity.ac.in എന്ന വെബ്സൈറ്റ് കാണുക.

അപേക്ഷാ ഫീസ് : 2000 രൂപ.

എസ്.സി/ എസ്.ടി വിഭാഗത്തിന് 1000 രൂപ.

അപേക്ഷ സമർപ്പിക്കേണ്ട വിധം


ഓൺലൈനായി അപേക്ഷിച്ചതിനുശേഷം അപേക്ഷയുടെ പകർപ്പും അനുബന്ധരേഖകളും

The Registrar ,
Kannur University ,
Thavakkara ,
Civil Station (PO) ,
Kannur – 2

എന്ന വിലാസത്തിൽ അയയ്ക്കുക.

ഓൺലൈൻ അപേക്ഷ സ്വീകരിക്കുന്ന അവസാന തീയതി : മാർച്ച് 04.

അപേക്ഷ തപാലിൽ സ്വീകരിക്കുന്ന അവസാന തീയതി : മാർച്ച് 16.

Important Links
Official Notification Click Here
Apply Online Click Here
More Details Click Here

 

Show More

Related Articles

error: Content is protected !!